Boas, déixovos a dirección dun blog.

Ver el tema anterior Ver el tema siguiente Ir abajo

Boas, déixovos a dirección dun blog.

Mensaje  David el Vie Oct 08, 2010 12:53 pm

Polo que levo visto esta web debe ter que ver con Alberto, que de cando en vez me envía algún mail. Creo que hai bastante tempo me deu a dirección desta web pero non a redescubrín ata hai pouco polas referencias dun compañeiro. Déixovos o enlace a un modesto blog que estamos confeccionando sobre unha raza que tres lugueses medio tolos importamos dende USA: [Tienes que estar registrado y conectado para ver este vínculo]

Non vendemos cachorros nin adultos, a nosa única pretensión é que, vendo traballar os cans, alguén se anime a embarcarse na aventura de importar outros sangues da mesma raza.

Saúdos.

David

Mensajes : 18
Fecha de inscripción : 08/10/2010

Volver arriba Ir abajo

Re: Boas, déixovos a dirección dun blog.

Mensaje  Admin el Vie Oct 08, 2010 2:37 pm

Hola David, benvido a nosa web, anímate a participar. Como ves, pouco a pouco, a xente estase animando a participar e cada día somos máis. Respecto a dirección do blog que comentas, botareille un vistazo e xa che comentarei. Eu Coñezo O Treeing Walker Coonhound ; de feito coido que en Pontevedra había algún cazador que dispuña desta rara raza.
[Tienes que estar registrado y conectado para ver esa imagen] .[Tienes que estar registrado y conectado para ver esa imagen] [Tienes que estar registrado y conectado para ver esa imagen]
Link (aplicar traductor google): [Tienes que estar registrado y conectado para ver este vínculo]
Qué nos contas dos americanos??

Adiante e síntete coma na túa casa, benvido! Very Happy

_________________
Cazar no es matar

Admin
Admin
Admin

Mensajes : 584
Fecha de inscripción : 27/03/2010
Edad : 74

http://monterosribeirasacra.forosactivos.biz

Volver arriba Ir abajo

Resposta a Admin.

Mensaje  David el Vie Oct 08, 2010 11:53 pm

O Treeing Walker é un coonhound, é dicir, é un especialista na caza do mapache, que se caza de noite. Esa raza ten unha moi grande aceptación entre os coonhunters, de feito é a que adoita ser gañadora absoluta das probas de traballo sobre mapache. Nesta raza destaca sobre todo no cantar a parado baixo a árbore onde está agachado o mapache, tanto pola perseverancia como pola frecuencia e potencia do latido. Houbo e hai cans desta raza utilizados para o xabaril dende hai xa bastantes anos na costa de Lugo e no límite de Asturias e Cantabria, e seica algún foi bastante bó, tanto na corda coma na ceiba. En Europa poderiamos dicir que é unha raza rara, en EE.UU. é un can do máis común que pode haber. O estándar é moi pouco esixente e hai moitos cazadores americanos que pensan que esa é unha das razóns polas cales esta raza goza de tanto éxito.

Hai cans desta raza cazando todo tipo de pezas, incluso caza maior como oso negro, puma e porco (non hai máis que botar unha ollada ó youtube), pero as adicadas a estas pezas son liñas de sangue moi concretas e escollidas.

O Plott é outra historia, é unha raza especialista na caza maior que xa proviña de cans especialistas no xabaril en Centroeuropa, e que está sendo importada con éxito dende hai máis de 25 anos a varios países de Europa e Asia, incluso en España é unha raza relativamente coñecida entre os monteiros do Cantábrico para ser de tan lonxe, de feito xa houbo algún can desta raza en Cantabria e Euscadi hai uns 20 anos que acabaron cruzados.

A nosa experiencia cos catro cachorros que trouxemos hai dous anos é, ata o de agora, positiva. Sen que ningún saise un fenómeno interestelar semellan ser cans bastante completos para a caza maior, con tódalas características clásicas dun sabueso. Non serven para a caza menor. Deles destacaría a intelixencia e o carácter, son cans que reciben hoxe e mañá están pelexando igual para ceibalos de primeiros na metida do rastro na leña. A relación co dono tamén é especial, máis semellante á dun can das perdices ou do gando que a un sabueso clásico. Son cans tardíos en traballar, que necesitan moitas horas de monte individualizadas, necesitan que se lles maten xabariles e un dono con carácter e experiencia no manexo de cans. Non serve de nada ir polas malas con eles. Se ti das eles responden, se ti es un perdido eles serán uns perdidos. O que se lles fixo algo costa arriba foi a leña, posto que en EE.UU. xeralmente os bosques son limpos ou case limpos por debaixo, pero como me dixo un monteiro americano cando lle mandei fotos dunha toxeira: “If the hog goes into that bush, my plotts will”.

Bueno, eu teño un xeito particular de ver o tema dos cans do xabaril, e a pesares disto e de que lle queda alomenos un ano máis de adestramento, a día de hoxe estou satisfeito co rendemento da cadela que me tocou; dos catro importados dous poden chegar a cordear ben, e un 50% é unha porcentaxe excelente. Aparte de crer como todos os cazadores de xabaril que os cans adicados a esta caza teñen que estar especializados, son partidario do adestramento individualizado, dos cans que cumpren un mínimo en tódalas fases da caza e por tanto de utilizar moi poucos cans na caza (non máis de seis). Nesta liña estes cans van cumprindo, mentres que outros que teño visto, como leonados, azules, ariegeois, etc… polo xeral individualizadamente non, agás os cans de rastro autóctonos ben seleccionados. É máis, despois de ver estes cans teño o convencemento de que un altísimo porcentaxe de cans de rastro franceses, a pesares de ser extensamente utilizados na caza maior non son cans de caza maior. De todas maneiras é coma todo, hai plotts bos, regulares, malos e peores, e nas camadas sairán sempre descartes.

Pese a ser un sabueso, hai moitos monteiros americanos que non queren consideralo como tal, senón coma un cur. O certo é que sendo un sabueso, non é un sabueso “normal”.

Saúdos.

P.D. Apunto que para min, dende o punto de vista dos cans, caza maior na Península Ibérica hoxe só é o xabaril e o lobo.

David

Mensajes : 18
Fecha de inscripción : 08/10/2010

Volver arriba Ir abajo

Re: Boas, déixovos a dirección dun blog.

Mensaje  Admin el Lun Oct 11, 2010 12:51 pm

David, grazas pola excelente aportación e información. Como saberás, nós adoitamos a soltar sobre rastro fresco con "jaurías". Concretamente, imos xa a centrarnos nunha soa pura raza determinada e concreta (non os ariegeois), conservando tamén 7 ou 8 cans cruzados con sangue asturiano, descendentes dos que trouxemos hai máis de 20 anos da zona de Ribadesella: cas de resistencia a "peito de lobo" e bo nariz, que cacen corzo e xabarín e que, por suposto, non abandoen a primeira demanda que lle deamos. Polo tanto, o noso modo de cazar é moi diferente e típico de Ourense, e nada ten que ver ca tradición que nalgunhas zonas da provincia de Lugo ten na trela un profundo arraigo. Chámanlle os galos Chasse á Tir (caza de forzar), porque ás veces adoitamos a meterlle no acoso relevos de "jauría" onda o monte o permita, a fin de tentar que a caza dea a cara na liña de postos en bouzas moi grandes, de moito monte e de moita extensión, moi habituais onda cazamos, empleando para elo da mañá á tarde. De feito, o outro día conseguimos sentar un corzo macho con relevos. Loxicamente, nos dous tecores onda xeralmente cazamos, os montes e a leña son moi abundantes, moi duros e extensos, moi esixentes para os cadelos, e a caza ten moita defensa, polo que non nos valen cans que carezan de resistencia e que sexan brandos de pés. Ademáis, cazamos cos mesmos cans xoves, sábados e domingos, mañá e tarde, polo que os nosos "amigos" reciben monte, monte e monte.

Para rematar, decirche que a pura raza ca que nos imos centrar nos vindeiros anos, posúe tódalas cualidades que mellor se adaptan ó noso método de caza e ás características dos nosos extensos cazadeiros: son ese tipo de montes onda, polo mero feito de escoita-las sinfonías que as ladras dos cans nos ofrecen durante os largos acosos, antes de facer romper á caza cara ás posturas, merece a pena ir tomarse un bocata en pleno monte disfrutando do espectáculo. É, para min, o máis bonito da caza en si: a súa salsa.

Un cordial saúdo e un placer lerte.

_________________
Cazar no es matar

Admin
Admin
Admin

Mensajes : 584
Fecha de inscripción : 27/03/2010
Edad : 74

http://monterosribeirasacra.forosactivos.biz

Volver arriba Ir abajo

Estades mal da cabeza, jajaja...

Mensaje  David el Miér Oct 13, 2010 9:37 am

Aquí non concibimos cazar xabaril e corzo cos mesmos cans. Isto é cousa de elección persoal, se vos vai razoablemente ben así pois mira... pero eu xamáis o faría, e coma min moitísima xente porque se o facemos así por algo é. Se cadra para cazar así vos valía ou vos era mellor outro tipo de can que non os de rastro, sobre todo se vos gusta cazar con bastantes cans.

Chasse a tir é a caza a tiro, que é o que facedes vós e todo o mundo por aquí, o que ti querías dicir é Chasse a Courre (caza á carreira), pero ninguén caza así neste país. Para sentar un corzo non fan falla relevos nin moitos cans: o Tito ou o Sul, por citar dous próximos no tempo e no espazo, anque un xa morreu e o outro vai moi vello, foron cans capaces de sentar corzos, pero sós, sen compañeiros e sen relevos. A clave está en non cambiar de corzo, que o terreo sexa moi quebrado, ter moi bos pés para non deixalo descansar e ese instinto especial que fai que un can aprete máis cando máis convén. Tamén, sobre todo en zonas de antigas agras abandoadas, onde moitas veces hai aramios vellos e destensados no medio da leña, hai cadelos moi afeitos a coller corzos, porque o corzo é moi burro cos aramios. Eu cacei bastante tempo o corzo pero é unha caza que cada vez me gusta menos incluso con bos cans (este ano só fun un día ó corzo e para iso cheguei ás 11:30 ó monte), sen embargo a do raposo, que tamén practiquei moito, segue a gustarme unha barbaridade, pero non teño tempo para practicala.

Respecto a túa opinión pero penso que en xeral temos moitísimos máis cans dos que necesitamos. Eu cacei bastantes anos con xauría, cunha xauría de verdade: un conxunto de cans cazando como un só, pero hoxe en día pódoche dicir que non creo na xauría nin pouco nin moito, penso que non é útil, áxil nin práctica na caza con escopeta. Póñoche un exemplo: este domingo fun cazar a un sitio de montes durísimos e moi bos, estamos falando de montes de varios centos de has. seguidas sen camiños nin pistas polo medio na costa coruñesa, con cantís e moita pedra asomada. Moito xabaril (nada que envexar en densidade ó lugar onde cazo na montaña) pero xente en xeral pouco práctica todavía no asunto, aínda pensan que para mover un xabaril necesitan 15 cans. No primeiro aplace ceibaron 30 cans!!, un desastre claro, para a miña idea o xabaril quedou dentro. No segundo aplace ceibamos catro cans ben ceibados nun monte que pasaba ben das 300 has e ningún problema, saiu xabaril e recolléronse perfectamente os catro cans.

Outra cousa é que á xente lle guste oír moito barullo no monte, para iso non hai nada mellor que levar moitos cans, pero eu hai moito tempo que non lle dou ningún valor ó barullo.

Vin cazar os beagle-harrier varias veces en Girona, cans de moi boas liñas francesas. Gustáronme moito para cazar corzo, pero non para xabaril porque vin que non fan ben o rastro da noite, neso parécense ós leonados. Son verdadeiros atletas, rápidos e duros, pero non me parece que sexan axeitados para cazar xabaril como fago eu. Sorte con eles.

Saúdos.

David

Mensajes : 18
Fecha de inscripción : 08/10/2010

Volver arriba Ir abajo

Re: Boas, déixovos a dirección dun blog.

Mensaje  Admin el Miér Oct 13, 2010 1:18 pm

Estimado David, adorámo-los cans que cazan xabarín e corzo. Se non cazan corzo, non nos gustan. O corzo é unha peza de caza maior moi respetable e emblemática de Galicia. Os que sí rexeitamos por descontado son aqueles que, dedicándolle o tempo necesario, non cazan en xauría coma equipo, aqueles que rexeitan o primerio rastro de xabarín que lles deamos e o cambian polo dun corzo, aqueles que non cazan de modo compacto e cohesionado en xauría, apretando ás pezas de caza, facéndoas reventar ás posturas pola súa resistencia física, progresión e tenacidade no acoso, aqueles que rexeitan o rastro que lles deamos e van buscar a caza fóra, remontándose, aqueles que mostran pasividade polo rastro fresco, aqueles que non laten á parado, aqueles que non laten no acoso, aqueles que non son capaces de acosar máis de catro horas coma mínimo a unha peza de caza maior pola fresca: ahí é onde poñemo-lo listón de selección que, a alguén se lle quedará curto, pero a nós faísenos máis que suficiente. E isto non se fai nun ano ni en dous, claro.

Os cas que só cazan xabarín tamén os rexeitamos, non nos gustan porque, para nós, non son cans completos para a caza maior: cervo, corzo, xabarín e lobo son as especies de caza maior en Galicia (este último, coma todos sabemos é unha especie protexida). O cervo é outra historia inda que, o 90 % dos cans cos que traballamos, cazan e laten rastro de cervo dende hai varios anos, cazándolle e mordendo máis dun e de dous xa.

Por outra banda, unha cousa e sentar un corzo por cansancio e outra moi diferente que quede enredado nuns aramios ou que se despiste nunha silveira e sexa collido polos cans, pero pra sentar un corzo por cansancio na serra de San Mamede ou na ribeira do Sil ou neses cazadeiros dos que nos falas tan difíciles (os lobos son especialistas niso, ou ben de atacalo conducíndoo ata onda agarda o resto da manada), un só can ten que darlle duro, duro. Gustaríame invitarche un día a cazar connosco no mes de setembro á serra onda naceron os primerios corzos en Ourense, a fin de comprobar coma ese can que citas ou outros que ti coñezas, sentan a un macho de corzo eles sós de modo individual, e sería un verdadeiro pracer poder comprobalo en vivo.

A solta sobre rastro fresco ten ese carácter de incertidume que nos gusta saborear. Ás veces, ese rastro conduce a un inmediato levante, e outras veces a un laborioso acercamento que se prolonga fóra do cazadeiro e hai que para-los cans, pero na incertidume está a esencia desa caza que nos gusta practicar: o resto pra nós é a crónica dunha morte anunciada que pouco ten de "sorpresa".

Falas que os Beagle Harrier non son especialistas no rastro da noite, pero é que a nós o rastro da noite non nos interesa, senón máis ben o rastro de hai unha ou dúas horas, porque un xabarín que pisa ás 8 ou 9 da noite no inverno nun lugar determinado ¿onde vai?... pode ser que volvese sobre os seus pasos e estea preto, pero tamén pode ser que acame a 10, 15 kms ou máis dese sitio concreto e da mancha asignada legalmente pra cazar, e sería unha verdadeira mágoa e perda de tempo soltar ahí. Os cans especialistas que laten acercamentos de hai 6, 7,12 ou15 horas horas non nos valen pra cazar, máis ben diría que deberían ir a competicións especializadas: ese quizaves fose o lugar máis axeitado para que desenvolvesen o seu potencial, pero na práctica, algún deses tivemos e acabámonos desfacendo diles pola súa ineficacia e falta de uso práctico, xa que ían levantar ou latir á parado a caza a moitos kilómetros, fora do cazadeiro; nembargantes, aqueles cans que toman un rastro das seis ou sete da madrugada (podendo corroboralo cunha trail cam por exemplo) e laten ó parado, no encame, e de levante non pechan a boca, sendo capaces de apretar ben: eses son os que nos interesan.

Discrepo da tua apreciación respecto a que un ou dous cans poden facer saír das bouzas xabaríns. Como saberás, na caza maior todo é moi relativo e o desencadenamento dos levantes depende de moitísimas circunstancias: se hai moito monte e defensa, se é unha zona moi ou pouco cazada ou molestada, se é unha cocha con renchos pequenos, un impredecible solitario, as características do monte, etc... En función de mil e unha variables e circunstancias que se van sucedendo ó longo da cacería, pode ser que un só can levante 25 xabaríns (exemplo eu mesmo con Charli -asturcántabro- que viña reventado de cazar durante dous días seguidos o pasado domingo e, ás sete da tarde, tras ser resuperado dun acoso dende as 9 e media da mañá dese día, nos montes da serra de Laza, foi capaz co meu apoio de levantar unha manada de 25 porcos bravos que fora vista moverse ripada do ruido da cacería dúas horas antes polo meu irmán), pero pode ser que haxa que soltar o ataque dunha xauría de apoio para tal labor, e pode ser que nin así se levanten e teña que ser o monteiro o que se teña que meter á touza pra tentar levantalos (exemplos, centos...). Este martes, sen ir mais lonxe, cazando nun xestal e toxal kilométrico, o sabueso dun compañeiro non foi quen de botar unha manada de mais de 30 xabaríns ( e alí quedaron porque á tardiña non cazamos pra tentar recupera-los cadelos) que, cun ataque dunha xauría rápida, tenaz e cohesionada, e mailo apoio do monteiro se fose necesario, outro galo cantaría.

Coido que non me interpretaches ben, xa que nos non practicámo-la Chasse Á Courre; de feito, de ser así prescindiriamos da liña de escopetas aposturadas; senón que practicamo-la Chasse a Tir (de forzar) i, en montes onda, pola súa accesibilidade se pode, ás veces, e sobor de todo ó corzo, facemos algún relevo cazando co bocata no morral: da mañá a noite. Na Chasse á Courre, son os cans os verdadeiros protagonistas, cázase a cabalo ou a pé, e empregándose relevos de Pointevin, Foxhound, Harrier Moderno ou outras razas de cans de moita complexión atlética e gran resistencia, a fin de senta-la res e darlle morte co aceiro.

Por último, é unha mágoa que os propietarios de cas tan especializados no xabarín, deixen na canceira a centos de cans "sucios" morrer de pena e aburrimento dende mediados de outono ata febreiro (case que 5 meses no ano) co que só cazan dez, quince ou menos días hábiles de corzo (tecores onda só se caza o corzo os domingos). Eticamente é ata reprobable ¡Pobre cans!!


Deíxoche asimesmo, as valoracións dunha proba de traballo sobre xabarín dos Beagle Harriers dunha das mellores liñas francesas.


Un saúdo David.





_________________
Cazar no es matar

Admin
Admin
Admin

Mensajes : 584
Fecha de inscripción : 27/03/2010
Edad : 74

http://monterosribeirasacra.forosactivos.biz

Volver arriba Ir abajo

Re: Boas, déixovos a dirección dun blog.

Mensaje  Admin el Miér Oct 13, 2010 8:37 pm

Esta é a proba de traballo sobre xabarín salvaxe e solta de dúas xaurías da que che falei (non sei se controlas francés, podes usa-lo traductor de google porque a valoración non ten desperdicio -o meu é o inglés básico-. Utopie e Vanda foron os cans mellor valorados:

Ce dernier week end de mars annonce la fin des brevets de chasse, avec une réussite des lots que nous avons engagés mon fils geoffrey et moi dans les deux catégories "E et G"dans notre club.

Sur chevreuil, deux engagements, le premier à TOCANE ST APRE, avec une belle prestation avec 1105 points et 1 CACT pour BANDIT de la chaume à tous vents.

le deuxiéme brevet avec plus ou moins de réussite, sur le territoire de SALLES "en gironde", puisque malgré les efforts des trois piqueux (geoffrey, christophe et laurent) les chiens chasseront un sanglier 15 minutes environs avant que les juges et les responsables n arrivent à maitriser l'ardeur de nos vaillants beagles harriers. Les juges me sollicites de reprendre sur du chevreuil, mais comme le réglement le stipule,je décide d'arrêter là.

La veille le 27.03.2010, toujours à SALLES ( ou je souligne l'exemplarité de l'organisation, la qualité de la prise en charge et du suivit des concourants ),nous découplons à 10 heures.

les caprices de la météo nous font craindre le pire puisque depuis la veille de fortes rafales de vents, de pluie et de grêle s abattent sur la foret girondine. D'ailleurs mon ami Daniel JOURNET et son équipage qui découple juste avant nous avec son trés bon lot à chevreuil n ont pas pu mettre leurs chiens sur la voie d'un animal.

pendant ce temps, je vais vérifier avec UTOPIE le pied d'un seul sanglier que m'ont indiqués deux chasseurs du pays. Le pied est de la nuit certes puisque voiture et 4x4 sont passés la veille au soir, mais de visue passablement délavés. UTOPIE reconnait chaque empreinte et s'engage dans un semi assez fourni de brandes et fougères, je décide toujours avec la chienne sous contrôle de poursuivre et d'approfondir.
[Tienes que estar registrado y conectado para ver esa imagen]

le sanglier d'apprêt ma chienne traverse cette enceinte, fait un demi cercle et coupe un chemin de sable ou là je constate que le pied n'a pas subit les avaries de la fin de nuit. UTOPIE, surtout elle me certifie la fraicheur de l'empreinte. Avec les deux chasseurs du pays nous faisons en véhicule les sorties éventuelles de notre animal et nous le retrouvons traversant une piste cyclable en bordure d'une rivière (la leyre). Pas de doute, c'est bien notre animal, UTOPIE le constate aussi. Je remonte le pas en sens inverse , certitude c'est bien lui. Je décide d en rester là et d'attaquer là a 10 heures sur ma première brisée.

aussitôt le découplé, tous les chiens reconnaissent tour à tour, nous assistons pendant 30 minutes a un rapprocher de rêve ou VANDA et utopie se distinguent par leur sureté en relevant les légers balancers qui se produisent durant les 2 ou 3 km de rapprocher. LA pluie nous ayant abandonnée laisse aux nombreux spectateurs le plaisir d'apprécier la beauté de ce moment. Juste avant le saut de l'animal de la piste cyclable, je me sent obligé d'aider mes compagnons 2 minutes car voitures et spectateurs ont souillés la voie de notre sanglier qui avait suivi le chemin des véhicules présent.

un Juge me signale l'entré d' un sanglier traversant ce chemin, je le remercie gentiment en lui signalant que cette empreinte n'est pas celle de notre animal, les chiens qui sont là me le confirme également. Je reprend donc la voie de mon sanglier à ma deuxième brisée qui se trouve a une cinquantaine de mètres, les chiens toujours en bloc reprennent la voie, fond 300 ou 400 mètres et se mettent au ferme dans un endroit marécageux en bordure de notre fameuse rivière temps redouté des gens du coin.

Je regarde ma montre, 28 minutes de rapprocher exemplaire, les 8 chiens sont aux abois.

Geoffrey, Christophe et moi même n'intervenons surtout pas, les chiens crient merveilleusement bien, sont courageux, pressent peut être un peut trop notre animal qui tape URLEUR en démarrant.

L animal suit la riviére pendant 20 minutes, les 8 chiens sont bien ameutés et crient bien, le sanglier pressé décide de se débarrasser de ses poursuivants et traverse L'EYRE. 30 m de large, un très fort courant, une rivière très dangereuse que les responsables avaient interdit aux piqueux d'essayer de traverser le cas échéant, (je veux parler pour Geoffrey et Christophe, pour moi ce n'était pas nécessaire). Les chiens eux n'ont pas hésité et se jettent à l'eau tous sauf URLEUR qui maintenant boite lourdement.

Notre marathonien Christophe voie le spectacle et encourage en vain le chien; c 'est peine perdu, la blessure est trop handicapante, le chien doit être arrêté et monté a bord d un véhicule.

La chasse se poursuit de l'autre coté et nous sommes obligé de faire un grand détour par le centre ville de SALLES pour récupérer la poursuite dans des lagunes.J entend à la CB d'un juge que les chiens sont pointés tour à tour, tentot 5 et 2 puis 4 et 3 puis 6 et 1 mais toujours sur la voie de notre sanglier qui signilé par une automobiliste traverse une route nationale au abord d'un supermarché, tout le monde se précipite à l endroit de l indication cherchant le pied et attendant l'arrivée éventuelle des chiens.

enfin au loin, nous entendons les premiers récris. Les chiens ne tardent pas et c' est 6 chiens qui arrivent sous les bravos, dans un mouchoir de poche criant tous bien à la traversée de l animal avec un retard de 15 minutes.
[Tienes que estar registrado y conectado para ver esa imagen]
Le président de Jury nous demande d'arrêter là cette chasse que je qualifierai d'assez exceptionnelle.

Quelques minutes plus tard le dernier chien bien collé sur cette même voie.

Tout au long de la journée ainsi que le lendemain les chasseurs présents n'ont fait que de nous parler de cette prestation, nous félicitent, nous questionnent comme il est de coutume dans dans ces cas là,(le nom des chiens, l'origine, les frères, les sœurs, les portée futures ....) enfin tout le rituel de questions quand marqués par le plaisir, les gens deviennent curieux.

nous avons également participé avec Olivier CASTAIN à un deuxième découple sur sanglier en fin de journée samedi.

cette chasse était aussi trés brillante avec un excellent ferme de plus de 6 minutes puis une menée spectaculaire ou l'animal de chasse ( un sanglier de 90kg environ ) s' est montré de trés nombreuses fois aux yeux des spectateurs pour revenir à la fin du temps imparti tout prés de son point de départ.

une trés belle prestation donc mais sans difficulté majeure, facile a suivre et a noter.

Les 20 points d'écart avec la première meute sont ridicules par rapport aux difficultés de cette première...



COUP DE GUEULE


Sur la dernière partie de mon analyse qui concerne notes et commentaires, je ne peux m'attarder par écrit...

Je vais seulement dire avoir reçus comme une gifle, ces notes et commentaires d'une partie du Jury que je connais très bien et qui malheureusement est plus doué dans la fantaisie du langage et l écriture que dans le domaine du chien de chasse et de la franchise.

J'exclus de ma critique bien entendu les deux assesseurs et surtout M ANDRE LAURENT qui est une personne remarquable et qui malgré sont age,quand il se trompe en prend toutes les responsabilités ne rejetant jamais la fautes sur les petits camarades par derrière.

J' ai questionné séparément les 3 juges concernés, tous les trois m'ont parlé du ou des collègues qui ont tiré par le bas les notes, avec des arguments faux et futiles.

c'est vraiment dommage de couvrir d'éloges une chienne sur son travail du jour et ne lui mettre que 150 points alors qu'elle est championne de beauté.

Pourquoi dans un brevet de chasse classé G1 voit on la moitié d'une meute tenu à la longe jusqu'au ferme et a quoi servent ces nouvelles catégories ???

Si un chien qui fait 28 minutes de rapprocher, un ferme, et 15 à 20 minutes de poursuite, n'obtient qu' 115, combien mettra t on à ceux qui ne fond que de la poursuite ???

note:

meute 1

ont obtenu:

VANDA de l'écho de la lande 160 pts ECX CACT

UTOPIE de la chaume à tous vents 150 pts EXC

VELANE de la chaume à tous vents 130 pts T BON

DESTIN de la chaume à tous vents 135 pts T BON

CEREBERE de la chaume à tous vents 125 pts T BON
URLEUR de la chaume à tous vents 115 pts BON

VASCO de l'écho de la lande 135 pts T BON

CHAMBORD de kernilien 125 pts T BON



meute 2

ont obtenu:

ARAMIS de la chaume à tous vents 130 pts T BON

ATHOS de la chaume à tous vents 125 pts T BON

ACHILLE de la chaume à tous vents 120 pts BON

BABORD de kernilien 145 pts T BON

BAMBINO 140 pts T BON

BIMBO 135 pts T BON

DRAKAR 135 pts T BON

ATHOS 120 pts BON

Saúdos

_________________
Cazar no es matar

Admin
Admin
Admin

Mensajes : 584
Fecha de inscripción : 27/03/2010
Edad : 74

http://monterosribeirasacra.forosactivos.biz

Volver arriba Ir abajo

Cada loco con su tema, non cabe dúbida.

Mensaje  David el Vie Oct 15, 2010 12:52 pm

O tema de pretender cazar cos mesmos cans corzos, cervos, porcos… bueno, como che dixen antes a moitos en moitos países do mundo parécenos que é absolutamente contraproducente, pero se cadra vós atopastes a pedra filosofal do tema, a que nunca atopou ninguén en séculos. Todo pode ser, eu non digo nada.

Eu repítoche que dende o punto de vista dos cans, para min, caza maior é a que é, e coma min moitos máis.

Dende o bo rollo, permíteme que che diga que me da a risa; disque non buscades cans que fagan ben o rastro da noite porque son para “probas especializadas” e despois vas buscar a Francia cans fixándote en que fan achegamentos de kms… jajaja… A pesares do rapport da proba, dígoche e repítoche que o Beagle-Harrier é un can pensado e creado para cazar corzos e que é unha raza pouco dotada para o rastro da noite. Agora ben, a peza levantada os que eu vin fano moi ben e probablemente vos vaian moi ben a vós, pero e que moi seguramente a vós vos irían incluso mellor cans do estilo dos kopov.

Mira ti o que son as cousas, este martes o Tito e un fillo seu pillaron un corzo sen tiro. Algo raro tivo que haber porque agora o Tito ten máis de 10 anos e está bastante feito polvo. Ese corzo seguramente tumbouse para despistar ós cans, non podía estar agotado anque levaban tempo dándolle caña, pero tivo a mala sorte de que tras del viñan estes dous que son coma pirañas e polas razóns que foran, enganchárono. Os cans nada teñen a que ir a ningún sitio a demostrar nada, o que queira que vaia e que lles pregunte ós donos.

15 días hábiles de caza do corzo? e para que se se cumpren os cupos moito antes!! Nós temos catro días hábiles de caza do corzo. Os cans de corzo, a pesares de cazar no noso caso concreto só catro días, son os que mellor viven dos que hai na cuadrilla posto que están todo o ano ceibos, os 365 días do ano as 24 horas do día, este é o xeito de ter bos cans de corzo, que non de xabaril. Cazamos o corzo con tres ou catro cans en total, céibase un ou dous por cada sitio do monte onde se arma e eles xa montean sós sen que ninguén vaia con eles, cada un atendendo ó seu. Os cans teñen que ser rápidos para que os corzos enfíen e non anden ás voltas.

“Probas especializadas”, pero vamos a ver, Admin, haberá algún chalado que críe cans só para ir ás probas, pero a inmensa maioría da xente o que queremos son cans de caza, e os cans de xabaril teñen que facer rastro da noite, de moitas horas “a cojones”, do contrario non valen para cazar en tódolos sitios. Onte fomos de caza catro gatos con algúns cans, cóntoche o conto para que vexas o que quero dicir, nada de “probas especializadas”:

Catro aplaces, en tres deles levou máis de dúas horas meter o rastro na leña dende o corte, cortar ó redor aparte.

1ºAplace: Un cocho grande nun monte grandecho. Bótanse seis cans sobre as 13:00 h., o rastro ten como mínimo 6 h.: rastro, parado, lánzano e xa se mata na arrancada.

2ªAplace: Un cocho boecho nunha uceira relativamente pequena sobre as 14:30 h, o rastro ten como mínimo 7,5 h. Bótanse 5 cans, o cocho non está e ó paso dos cans levántase unha corza que só siguen os dous cans máis novos, os outros tres rexeitan o rastro da corza e volven á ceiba.

3ºAplace: Un rabaño na mesma uceira que o segundo aplace, pero entraran por outro lado, sobre as 15:00-15:30 h, o rastro ten como mínimo 8 h. Non movemos as posturas, bótanse os mesmos cans que no 1º e 2º aplace. Según ceiban xa arrancan os porcos, dous caen e outros dous marchan con tiro. Un dos que marcha da para un par de horas tratando de atallarlle, perseguido por dous cans. Sálvase polos pelos.

4ºAplace: Un cocho grande nun pinar case limpo, pasando as 18:00 h. O rastro da noite a estas alturas ten como mínimo 11 horas. Desconfíase do aplace e céibase só unha cadela: levante e persecución por parte da cadela e outro can botado no levante durante dúas horas e media ata que se cortan no rastro, na parte final participa outro can máis. Ó porco tíraselle creo que recordar que ata en cinco ocasións durante o recorrido que fai nese tempo, sen éxito.

Cázase do amencer ó anoitecer, o territorio é montaña, case todo monte e fraga, moitos corzos, úsanse poucos cans porque non vén absolutamente a nada utilizar máis. En serio ti cres que os cans utilizados son máis ben para “probas especializadas”?, jajaja… estache bo o conto, Admin.

Eu respecto quen usa moitos cans, pero utilizar moitos cans é un puro capricho, non fai falla ninguna coa caza que aquí temos. Outra cousa é que se queira tapar a falla de calidade con cantidade, pero ese é outro tema.
Cando hai un porco grande que non quere andar as cousas pódense complicar moitísimo, sobre todo se está ferido. Neses casos con dous ou tres cans é moi difícil movelos, e botar máis de 6-8 cans é facer tódalas quinielas para que haxa mortos e feridos graves. Se está ferido non se poden botar máis dun par de cans, e mellor antes deixalo en paz un tempo para que enfríe. Eu penso que cando os cans que se teñen son moi poucos (concretamente eu só teño dous), habería que ter un ou dous cadelos que axuden a solucionar ese tipo de situacións, sexan de raza lobera, cruzados destes ou similar.

Cando hai moitos porcos xuntos… hai que estar aí ata que rompe a formación o primeiro. Máis tarde ou máis cedo sempre sucede. Lembro unha vez que botamos 18 do mesmo mato e non fixeron falla máis cans dos normais, nin meterse dentro nin cousa semellante, agora ben, tardaron en sacalos porque non se querían mover. Nunca vin nin souben de ningún sitio onde se xuntaran 25 ou 30 porcos no mesmo encame, nin sequera en Huesca ou Girona, onde hai infinitamente máis porcos que aquí e son máis difíciles de mover.

A incertidume témola sempre todos. Eu cando saio do coche e me poño as botas non sei cando nin onde vou cortar rastro dos porcos, nin a onde me van levar, nin onde estarán. Unha vez controlados, o aplace pode ser bo ou ser fallido, nunca se sabe.

Non obstante, o dito, cada loco con su tema.

Saúdos.

David

Mensajes : 18
Fecha de inscripción : 08/10/2010

Volver arriba Ir abajo

GALGOS OU PODENCOS

Mensaje  TEORICO el Vie Oct 15, 2010 2:32 pm

¡ qué lio vos armades!, lembradesme aquela fábula dos coelllos que discutían se eran galgos ou podencos os cans que os acosaban.
Podese decir que "lo que a Sancho produce alegria y bienestar, a D. Quijote produce enfermedad"
No noso club gostanos o que Eduardo Trogo de Yarto definia como caza clamorosa. Levamos anos cazando conmoitos cans y gustanos oir a "multiladra" que resona na ribeira sacra e o eco que devolven os penedos da veira de Sober, ou na serra do Rodicio, ollando os Ancares Nevados e todo o Val de Lemos, o canon do Sil e oir apabullantes ladras sobre corzos de porcos que pensan que lle ven o mundo enriba o sentires o que en Castela chaman "la dicha" alí de podencos, e por aqui de sabuesos,grifons, poderosos berros que se acercan e lle van ponñendo a un a carne de pita e o cor na gorxa.
¡Non importa gato blanco ou gato negro se caza ratos!
Con este derradeiro refrán chino deveravos bastar para zanxar o tema.
un saudo

TEORICO
MIEMBRO DE HONOR
MIEMBRO DE HONOR

Mensajes : 1327
Fecha de inscripción : 28/03/2010

Volver arriba Ir abajo

Resposta a David

Mensaje  Admin el Vie Oct 15, 2010 2:56 pm

Estimado David, non pretendas sentar cátedra sobre a única forma posible de caza-lo xabarín. Eu respeto a quen non caza igual ca min e non por iso pretendo impoñerlle a biblia do xabarín, nin dicirlle que os cans cos que eu cazo son mil veces mellores cos dos demáis, sobre todo sen coñezelos. A caza mediante emprazamento á trela e moi respetable, pero hai outro tipo de caza que se chama “solta sobre rastro”, e resulta que hai moitas zonas nas que, o que intente cordear pode morrer no intento dicindo, mira “Eí, no altiño, entraron, pero de ahí ó encame hai máis de 1000 ou 2000 hectáreas de monte corrido sen pistas polo medio nin cortes, sen pinares limpos: só silveiros, riscos e toxais pechos para dar e tomar”. ¿¿¿Vas rodea-las mil hectáreas cazándolle o porco na arrancada??? ¿Ti crés sinceiramente que ese cans van bota-los xabariños eles sós sen o apoio do monteiro se lle fan fronte nese océano ghalego de silvas, toxos e uces?? Adiante, podes esperar sentadiño nun penedo, escoitando coma os porcos reparten leña a máis de 5 kilómetros da solta e comprobando como os xabaríns nin se moven…

Das por sentado cousas que non coñeces (por exemplo, que cazamos con moitos cans, cando as nosas soltas son de 6 ou 8 en cada rastro). Estimado David, eu penso que o máis importante para os que cazamo-la caza maior, é que se cace o porco bravo coma mandan ós cánones: ben sexa lanzando o ataque dunha xauría sobre un emprazamento previo de corda, ou ben, outra sobre un rastro fresco de xabarín, utilizando para elo os cans que, polas súas características e método de traballo, mellor se adapten ó noso método de caza. O que para min é un can que late rastros de hai 8 horas que non me vale, para ti, ó mellor, e se cordea ben, éche un bó can. O importante é que cada un saiba escoller aqueles que, repito, mellor se adaptan ás características do seu método de caza e saber facelos cos anos, seleccionando sen contemplacións.

A ver se agora vai resultar que os miles de franceses que cazan co método da Chasse at Tir i en solta sobre rastro dende hai lustros, e que cazan corzo e xabarín cos mesmos cans, tampouco encontraron a pedra filosofal da que nos falas.

Respecto as manadas de 20 e 30 xabaríns que se che fan raras, eu non falo por falar, e menos escribir por escribir: testigos hai e non é unha excepción. Pódoche poñer ducias de exemplos cos nomes e apelidos de testigos, e nomes concretos dos lugares, así coma as datas aproximadas dos avistamentos. Hai tecores onda non dan cazado no ano tódalas manchas que teñen e hai lobo: é precisamente neses lugares onda podes encontrar esas rebañadas tan grandes: podes preguntarle a Pallares de Foz, que caza de vez en cando no tecor de Seoane (Concello da Veiga, na provincia de Ourense), se tan raras son esas manadas das que che falo, porque son máis ben frecuentes, así coma nos tecores coma o de Trives e Castro Caldelas cando apretan as neves na serra. O comportamente do xabarín onda hai lobo e neses tecores tan enormes e pouco cazados á maior, é o de agruparse en numerosísimos grupos para tentar buscar na multitude defensa: este comportamento animal está documentado bibliograficamente, sendo típico noutras especies de mamíferos que adoptan a mesma táctica. En zonas onda apenas se cazan non é nada raro observar este fenómeno.

A lei de caza de Galicia prohíbe te-los cas ceibes todo o ano e a nós, gústanos respeta-la lei, pero sei de bastantes cazadores que, salvo ese “catro días” de caza de corzo, deixan morrer de pena e aburrimento ós pobres cans “sucios” perante todo o ano na canceira. Non me parece que sexa de recibo esta actitude ¿non cres?

Non entendo ben que queres dicir con que imos a buscar a Francia cans que laten rastros de moitas horas cando, con toda a cautela do mundo coma cando falo dalgunha raza ca que non cacei e sobre a que lin e me documentei, a miña intención era a de transmitirche que os irmáns Bouyer, cazan xabarín cunha raza determinada que ten unas características que, polo seu método de traballo, a fan ideal para soltar sobre rastro fresco e non así pra practica-la traílla; é dicir, para coma nós cazamos.

A incertidume redúcese no emprazamento á trela, e increméntase na solta sobre rastro. Asegúroche que no territorio DA RIBEIRA e non de montaña onda habitualmente cazamos bastantes cadrillas, a cousa para trela íase complicar un pouquiño. Tamén hai exemplos. O que sí podes e baixa-lo can do remolque e corta-lo rastro cen metros (de ahí xa non pasas ca corda). Podes soltar ahí, pero pode que dese lugar ó encame haxa moitos, moitos kilómetros de Deus…

Por último, non deixes de participar nesta web porque este tipo de debates nos veñen ben a todos.

Un cordial saúdo.

_________________
Cazar no es matar

Admin
Admin
Admin

Mensajes : 584
Fecha de inscripción : 27/03/2010
Edad : 74

http://monterosribeirasacra.forosactivos.biz

Volver arriba Ir abajo

Non nos equivoquemos.

Mensaje  David el Vie Oct 15, 2010 10:43 pm

Eu non dixen que os cans cos que cace sexan mellores que outros, nin que o xeito de facer as cousas sexa mellor, non, non, non. Iso éche cousa de cada un, o que pasa é que para min por suposto que é o mellor xeito de facer as cousas, por iso o fago así. Eu víñache de cazar en certa maneira de xeito algo semellante a vós durante moitos anos ata que vin outras cousas, foi aí onde dixen: quieto, isto é outro mundo... nese momento vin perfectamente claro o que eu quería, porque xa encaixaban tódalas pezas. Non obstante o que eu pense e o que a min me convenza non ten porque coincidir con todo o mundo nin moito menos. Estamos a falar, penso eu, non a poñerse un por riba ou por baixo doutro, alomenos pola miña parte.

De verdade que por min poden cazar non miles senón millóns de franceses ou de alemáns como lles dea a gana que por iso non vou cambiar de opinión, porque a pedra filosofal de marras non a inventou ninguén aínda nin haberá quen a invente, aparte de que un francés pode facer o cabra e non por iso eu voume poñer a facer o cabra. Un can picado cos corzos, botado no rastro do pinar case limpo da última ceiba, no que había rastro de corzo por tódolos sitios... polo carallo había saír co xabaril. Isto é así, xa pasa moitas veces con cans castigados no corzo e tomando tódalas precaucións... para máis no caso dun can (ou peor aínda, dun equipo de cans) picado cos corzos... en fin... pero bueno, só é un pequeno detalle sobre o asunto este.

Agora vai resultar que son ata habituais os rabaños de 30 xabariles no mesmo encame... por favor, que lobos hai en moitos sitios, e tamén en moitos sitios hai manchas que non se dan en anos e para nada é algo normal; no seu caso, serían casos excepcionais.

Sobre os cans de corzo que apodrecen atados... eu non coñezo ningún, pero haber haberaios, como tamén hai moitísimos cans do xabaril que viven atados cinco días á semana e no remolque os outros dous durante cinco meses ó ano. O que os ten así, para que os ten? Non o sei, se tes cans supostamente do xabaril que non valen, para que os tes? pois simplemente por falla de obxectividade, pois o mesmo pasa cos cans do corzo. Alá cada un coa súa conciencia, persoalmente prefiro sacrificar un can que telo así.

E ti como pensas que cazamos os demáis, Admin? Pensas que todo é como Lalín, a Terra Chá ou Sarria? manchas de monte ben arrodeadas de prados e pistas? non ho non, carallo! que eu moitas veces fago metro e medio de rastro e paso o resto de mañá tratando de cortar por onde me parece que pode ser máis probable que pasaran no caso de pasaren, e incluso hai montes nos que xa nin intento iso. Isto éche así, é o que hai. No caso de moitas zonas de Cantabria e Asturias, con montes enormes, solucionaron o tema doutro xeito moi acertado para a miña forma de pensar. Pero de tódolos xeitos os sitios de montes moi pequenos son complicadísimos, Admin, eu entreno moito nun terreo desas características que ademáis ferve de corzos... e nunca serán suficientes as grazas que dea por ter un sitio coma ese para entrenar, aí tárdase un axiña en decidir un descarte, aí é onde se ve o traballo que é capaz de realizar un can de corda, se un can vai ben aí á corda caza ben á corda en tódolos sitios, e ter un can cordeando máis o menos ben é o primeiro paso para poder ter algún can máis traballando a xeito, por moitos motivos.

Se tes un, dous, tres ou catro cans podes levalos a correr contigo calquera día do ano, podes ir entrenar con dous hoxe e con un ou dos mañá, podes sacar un ou dous a pasear coa familia, ceibas un par deles tranquilo ás sete da tarde porque sabes que seguramente os darás collido ben, gastas menos en piensos, veterinarios, papeles e demáis caralladas, non necesitas remolques, normalmente non haberá problemas para ceibalos, etc... etc... etc... que vantaxes ten un equipo de 10-15? a min só se me ocorren dúas, e contras... a moreas.

Veña, saúdos e sorte na finde.

David

Mensajes : 18
Fecha de inscripción : 08/10/2010

Volver arriba Ir abajo

Re: Boas, déixovos a dirección dun blog.

Mensaje  Admin el Lun Oct 18, 2010 2:07 pm

David, complicas tanto as cousas cando realmente son moitísimo máis sinxelas do que ti nos queres facer ver sobre a práctica. A un Señor que atopou a pedra filosofal despois de cazar en solta sobre rastro durante 30 anos o xabarín pregúntanlle:

Levantan vostedes os xabaríns tódolos días? Sí, e case sempre ás mañás e ás tardes.
Como soltan vostedes? Sobre rastro fresco de xabarín, é dicir de poucas horas i en soltas de 6 ou máximo 8 cans sobre cada rastro.
Cazan con pura raza e xaurías? Sí, aínda que temos algúns cans cruzados que cazan en perfecta armonía i equipo.
Entón, qué opina vostede dos que pensan que a cantidade suple a calidade? Que simplemente están mentindo ou descoñecen total e absolutamente o que significa ACCIÓN DE CAZA EN XAURÍA SOBRE RASTRO.
Os cans resolven o acercamento e primerio rastro con solvencia e laten a parado? Sí, case Sempre, xa que a caza non é infalible.
Levantan e acosan dando a voz de modo consistente?
Teñen aguante ese cans e son capaces de saca-los cochos en montes enormes? Habitualmente sí, e van sobrados inda que isto depende de motas circunstncias, coma todos sabemos.
Gústalle máis a caza en solta con xaurías que a caza á trela? Sí, sobre rastro con xaurías, porque da gusto ceibar á mañá cedo cos rastros moi fresquiños, escoita-las ladras e contempla-lo traballo en equipo dos cans e do monteiro que, en ocasións ten que apoialos porque os cochos non arrancan.
É frecuente que levanten manadas de 20 ou máis xabaríns? Frecuente nun dos tecores onda cazamos non é, inda que noutros sí, coma os tecores de Laza, Castro Caldelas, Trives, Montederramo e os que integran o Concello da Veiga do Bolo, e O Bolo, en determinadas épocas, tódolos anos se sacan manadas deste tipo e non nos sorprende en absoluto.
Qué opina vostede dos que relegan a cans a cazar só o corzo? Respeto a súa forma de pensar pero coido que é un castigo pros pobres cadelos, relegados a moi poucos días hábiles de caza.

Para rematar, qué opina vostede das persoas que cazan á trela? Sinto respeto por tódolos “Treleiros” e a súa forma de caza e coido que algúns teñen canms moi bos, xa que lle adicaron moito tempo de modo individual para o seu método de caza, pero encántame a caza en solta sobre rastros atacando os mesmos con xaurías adestradas durante todo o ano nas zonas habilitadas pra elo ou en acción de caza.

Coma ves, non é tan difícil...

Por último e despois de botarlle unha ollada ó teu blog, darche a noraboa por il e desexarche boa caza e moita sorte cas vindeiras promesas, que de seguro que cordearán ben da túa mao.

Un saúdo.



Última edición por Admin el Vie Oct 22, 2010 9:28 pm, editado 1 vez

_________________
Cazar no es matar

Admin
Admin
Admin

Mensajes : 584
Fecha de inscripción : 27/03/2010
Edad : 74

http://monterosribeirasacra.forosactivos.biz

Volver arriba Ir abajo

Estache bo o conto...

Mensaje  David el Mar Oct 19, 2010 9:32 am

... de pedra filosofal atopada... nada de nada, Admin, nin de coña, agora ben, se estades tan cegos que credes que sí... pois mira, outros peinan bombillas. Pero un can do xabaril é outra cousa.

Eu non vexo que ceibedes 6-8 cans por rastro, aínda recordo un vídeo que me pasou Alberto dunha ceiba pola tarde no que abriron os remolques a unha cantidade de cans que eu quedei asustado, xa hai que ter gañas de gastar en pienso, jajaja...

Quero supoñer que non cebades con cereal o monte que vos toca, xa que iso é o último do último, non sería propio de cazadores, dígoo porque seguen sen parecerme normais semellantes concentracións de porcos. Seica ceibades sempre sobre rastro pero non tedes cans para buscalo... como facedes cando o monte está todo seco, cando xea tanto que o chan se pon como o granito ou cando chove a mares? porque anque teñades trail-cams non teredes 30 ou 40 repartidas... Queríavos facer tamén outra pregunta, xa que describes un tipo de monte que non é nada a propósito para o corzo, cazades o corzo preferentemente nuns sitios e os porcos noutros?.

Eu se poidera tamén tiña cans ceibos todo o ano, vaia, por descontado que sí.

Os cans do blog cordean e cazan ceibos, sós, que para ir xuntos 4 ou 5 valen moitos cans, pero para ir sós... poucos.

Eses beagle-harrier que puxeches no post son os que vin cazar varias veces en Girona.

Eu as dúas únicas vantaxes que lle vexo a ter moitos cans é que botando 10-15 cans nunha metida non pode quedar un cocho na cama xamáis, e por outra parte se che morren polo que sexa dous ou tres o normal é recuperarse antes da perda.

Saúdos.

David

Mensajes : 18
Fecha de inscripción : 08/10/2010

Volver arriba Ir abajo

Re: Boas, déixovos a dirección dun blog.

Mensaje  Admin el Mar Oct 19, 2010 10:56 am

David, ese vídeo que viches é unha excepción porque Alberto estaba enfermo na cama ese día e non había outra persoa que soltase noutro rastro, senón serían dúas soltas de 8. Deses cans que viches no vídeo e nesa solta viven menos da metade. O xabarín matounos 4 o ano pasado e outro (o quinto) morreu afogado, xa que enredou o colar nun aramio dun poste vello da luz; eran os mellores, os que ían dereitos ó encame. Outros dese vídeo morreron de vellos, desapareceron ou foron atropelados. Concretamente hoxe temos 17 cans cazando e ímonos desfacer de 3, ou sexa que nos quedaremos con 14, que sempre se reparten e soltan en dous rastros.

Ceba-lo monte??? Os que fan iso deberían ir presos David; le esta crónica e mira o que poño pra que saias de dúbidas:
[Tienes que estar registrado y conectado para ver este vínculo]

David, as manadas de 20 xabaríns non se botan tódolos días, pero se algún día vas cazar a determinados tecores, non é nada raro. Pallares de Foz, cada ano fai un par de cazatas de 15 a 20 xabaríns na mañá. Non o cres?? Pregúntalle... En Manzaneda hai dous domingos cazaron 17 os do Barco de Valdeorras e escapáronlle outros tantos nun monte non moi grande. E isto, agora que empeza a castaña vaise converter en máis frecuente. O outro día en Laza contaron 25 xuntos e chimparon dous. Despois o meu can estivo a parado con outro que feriron dende as dez ata as 12 da noite, voltou á corneta e deixouno por imposible. Ademáis tiven a sorte de que comenzou a caer un chaparrón de auga e o can retornou (porque a pila de localizador esgotoúselle nese xusto intre). En Vilarmeao (Viana do Bolo) hai 4 anos, botamos unha rellada tan grande que se abatiron 15 e escaparon 18 xuntos sen tiro ningún -contados por varios postos; ían largos e o que lle saíron quedou petrificado e botuse a tremer (era un invitado de Pontevedra). Pódoche seguir poñendo exemplos. En Trives o outro día case acaban as balas. Tiráronlle o demo diles e poucos cazaron pero estiveron tirándolle da mañá á tarde ós porcos nuns cavorcos grandes. Comentábanme que os cans non os diron sacado dese infernal monte perante todo o día (e iso que os seus cans malos, dende logo que che aseguro que non son)

Respecto as soltas que ti dis, depende do monte e da mancha asignada. Pro corzo é mellor a serra. Na ribeira hai zonas coma a deste sábado que ten moitos, pero hai outros montes nos que nos imos centrar a partires dagora que son só xabalineiros (corzos, moi pouquiños inda que sempre hai algún).

Un saúdo David.



Última edición por Admin el Vie Oct 22, 2010 9:29 pm, editado 1 vez

_________________
Cazar no es matar

Admin
Admin
Admin

Mensajes : 584
Fecha de inscripción : 27/03/2010
Edad : 74

http://monterosribeirasacra.forosactivos.biz

Volver arriba Ir abajo

pra opinar hai que coñecer!!!

Mensaje  JABATILLO28 el Mar Oct 19, 2010 6:27 pm

Estimado David, veño seguindo o devenir da vosa "liorta" dialéctica, no foro dende hai uns días, a verdade e que pareceme moi ben que sintas veneración por unha raza de cans e unha forma de caza, eu respetoá totalmente sexas tú ou calquera outro "traileiro" como a cuadrilla "rastreando" por poñer un exemplo, ou os centos de aficionados da costa da morte, mariña lucense, santiago, silleda, lalín, etc..etc...etc...e considero que ti deberías facer o mismo e non chamarnos tolos ou dicir que estamos mal da cabeza ( aínda co digas de cachondeo..así escrito..hai lectores e internautas que non saben da vosa relación ( me refiro a que tedes tu mais meu irmao na internet )).

David deberías ser un pouquiño mais respectuoso, con algo que descoñezes, creo que nunca has cazado nos cañóns do Sil Ourensáns,non si???

Nunca cazaches no Macizo Central Ourensá, nin nas Terras de Trives ou Caldelas, non si???

Eu persoalmente estaría encantado de que compartises unhas xornadas de caza connosco e te fixeses unha opinión sensata e veraz do que é cazar nestes lugares como o levamos facendo décadas... por outra banda e con un pouquiño de sorte, poderías asistir en "vivo i en directo" a un levante dunha "rellada" de 15 ou 20 exemplares, desas que tan raras se che fan de crer...

Descoñezo persoalmente o voso xeito e cazar ( salvo por referencias, ou pola internet, sabes que pasa..que esto da internet está cojonudo: pero hai certas cousas que non se poden comparar co mesmo na vida real, como pode ser comer, fod...r, etc...e cazar por exempolo ).

Respecto o tema de cebar as manchas...vouche comentar algo que igual decoñezes..a Ribeira Sacra Ourensá ( a de Lugo tamén pero a menor escala )...e pros Xabaríns o que pode ser a Fábrica de Chocolate pros cativos...jejeje... e me explico..dende mediados de Setembro ( no fondo da Ribeira ) ata Abril...ten Castañas e Castañas e Castañas...BIS BIS BIS pra manter e CEBAR non o doble nin o triple senón, unha poboación de Xabarís dez veces superior a que temos..de feito, nos mesmos observamo ano tras ano, como os porcos de os Tecores colindantes "inmigran" o noso territorio ( donde por certo son ben recibidos!!!...xa me entendes jejejeje ), aparte de que poñense lustrosos e cunha capa de unto e touciño fenomenal mentras dura a Castañeira, ten en conmta que falamos dunha Ribeira chea de "golosinas" ( castañas ) que os mantén durante casi medio ano pois hoxe todo está a monte e non se recollen nin a centésima parte das castañas que caen...
Como comprenderás é do genero tonto, pretender atraer os porcos con ningún medio por que contamos cun Biotopo Natural privilexiado pros porcos, donde teñen alimento, defensa e monte a punta pala... Wink Wink
Eu non cuestiono as vosas preferencias de cans ou rastreos, emprazamentos, ceibas, etc....o mais mínimo, non me gusta a perfección absoluta nin os malabarismos, gustame pasar o día no monte cos compañeiros, por suposto que os resultados abultados tamén me gustan ( como a calquera ), pero o que prima e o compañerismo o bo ambiente, a seriedade , a seguridade e o traballo dos cans e o dos monteros ( por favor non empregues estos exemplos para autodescalificarte ou tomalo como unha ofensapola miña àrte, porque eu estou expresando como sinto a caza e non fago alusións a ti, por que nunca compartín, toxos, caza e taco convosco ).

Gostaríame moito que nos acompañases, por exemplo o fin de semana do 27-28 de Novembro ( temos o Domingo 28 unha mancha das míticas de verdade de porco ), e que se quixeras trouxeras algún dos teus cans pra cortar e marcar os emprazamentos dos porcos, nos cañóns.

Coido que sería unha experiencia insequecible pra nós e mesmo pra ti..

En fin que tentamos mellorar i evolucionar, como calquera ser humano, pero de ahí a desvirtualizar a esencia do noso xeito de cazar hai un mundo,. Gostame que agora poidas meterte co todo terreno en sitios que antes había que camiñar catro horas para chegar a postura, gostame o meu 300 RUM ou o meu 270 WSM (arma letal 2 jejeje ) más que a miña franchi de muelles herdada do meu pai, ca que por certo cacei o meu primer porco fai 29 aniños no Rio de Codias ( Cerdedelo ), gostamen as trail que che cantan o devenir dos porcos na noite, etc... pero porriba de todo gostame a INCERTIDUMBRE da caza ...eses días de fortuna, nos que que cres que vas pegar un pelotazo cochinero e veste de vacío, ou esoutros que en catro xestiñas a última hora pegas cunha "melé" cerduna e armas o tiroteo do século, eso pra min é a esencia da caza...i eso é o que non queremos que se perda...

Aparte donde sempre se baiolu Fandango, siguese taconeando e non se bailan muiñeiras, nonsi??? por algo será non?? os nosos abuelos xa o facían así e por certo eran bos cazadores......

Bueno David, espero que te tomes o meu comentario como o que é....unha reflexión aberta do meu sentir cinexético, dende o bo rollo e sen ninguna acritude....e que te tomes en serio a nosa invitación e nos coñezamos persoalmente, que esto do interné pras cousas de verdade é un pouco coñazo...

PD: Por certo en Castro Caldelas a día de hoxe a cuadrilla do Tobo, van con 70 e pico jabalís abatidos ( tampouco se empraza e hai días de 8-10-12 ou 15 porcos )...hai 3 ou 4 anos iles soliños 153 BUFFFFF

PD2: deixade o vai e ven xa ti e mais Alberto, que ides aburrir o persoal... jejejeje

Unha aperta Wink Wink Wink

JABATILLO28
Moderador
Moderador

Mensajes : 189
Fecha de inscripción : 29/03/2010
Edad : 48

Volver arriba Ir abajo

No problem.

Mensaje  David el Miér Oct 20, 2010 9:56 am

Se eu entendo a cuestión, jabatillo! entendo perfectamente que non aplacedes se non fai falla ou non é posible, como tamén entendo perfectamente o xeito de cazar no Pirineo ou en Picos. Incluso, se como dicides onde cazades o xabaril hai moi pouco corzo, pois mira... ata pode resultar comprensible que utilicedes os cans para todo. Agora ben, isto poderédelo facer porque as vosas circunstancias moi concretas son as que son e punto pelota.

Non te enganes, jabatillo, non teño devoción por ningunha raza. Gústanme os cans cunhas características concretas e punto. Estes días busquei un Airedale de liñas de caza, pero piden polos cachorros 300€ e para as prestacións dun Airedale parécenme moitísimos cartos. Terei que conformarme, no caso de atopar algo que me convenza, cun cruce de sabueso e lobera.

Por outra banda tampouco me cadra que digades por unha parte que a Ribeira (teño estado alí moitas veces) é unha selva impenetrable e por outra parte digades que hai tanta castaña (cousa que xa sabía), porque as dúas cousas poden estar xuntas pero nunca revoltas. O monte que tedes é bastante semellante ó noso, sustituíndo uz por toxo, e tendo vós máis silva. A vantaxe que ten o voso monte é que é máis quente, e por iso ten un maoir potencial en canto a cría, e polo tanto capturas.

A segunda quincena de novembro estou de vacacións, pero o caso é que teño idea de ir a Turquía unha desas dúas fins de semana, nunha viaxe de dous días, teño alí un coñecido que caza hai moitos anos cos plotts exclusivamente o xabaril e ten un can que me interesa para cruzar. Él traballa cos Garmin 220, igual que eu, e polo tanto podo descargar e ver os percorridos en google maps. O can ten que ser moi bo, o tipo tenme invitado varias veces a ir cazar e se dou vendido un rifle estes días... teño idea de ir aló.

De ir un día onda vós, de poder elexir iría un día a unha mancha discreta, sen moita xente. Non creas que eu desfruto moito deses días onde saen porcos por todas partes... e moito menos se hai moita xente e moitos cans, non me gusta. Se mo dixeras estes días de atrás nos que tivemos cacerías de corzo e polo tanto non me interesan, se cadrara ben ía, xa que eses son os días que me desprazo (fun un domingo á Costa da Morte) para cazar xabaril noutros sitios.

Saúdos.

David

Mensajes : 18
Fecha de inscripción : 08/10/2010

Volver arriba Ir abajo

Pois logo xa está.

Mensaje  David el Vie Oct 22, 2010 9:13 am

A min vénme mellor un domingo porque normalmente cazo xoves e sábados; os domingos quedo na casa, dou unha volta con algún cachorro se o teño ou ben vou entrenar ó xabaril un par de horas á mañá ou á tarde. De tódolos xeitos a ver se pode ser o 14/11 ou 21/11, xa que alomenos un deles vou estar libre e ó estar de vacacións podo ir todo o día sen problema. Se tedes cacerías normaliñas algún deses días e non coincide coa miña probable viaxe.

En decembro os cochos grandes móvense máis e están case sempre preto das cochas, nunca encaman con elas pero a miúdo pasa que se separan xa dentro do mato onde encaman todos e así non hai xeito de separalos.

O que sí, non respondo do noso estado físico un domingo (o meu e o da cadela). Onte collín un rastro según saín do coche ás 8:30 e metémolo na leña ás 13:00. Acabei rebentado, e a cadela igual (os xoves lévoa a ela de corda). E mañá tócame outra vez...

Non fai falla reservar cans para un posible aplace. Deixa ós cans traballar á mañá que ó mediodía se se collen dous ou tres dámoslles auga, a cada un unha latiña de comida ou un cacho de graxa crúa, deixámolos descansar un par de horas e xa están listos para outro ataque, ademáis, se se pode, eu tamén ceibo unha cadela e se fai falla o can.

Saúdos.

David

Mensajes : 18
Fecha de inscripción : 08/10/2010

Volver arriba Ir abajo

A xuntanza.

Mensaje  David el Lun Nov 22, 2010 10:06 am

Boas,

Pois xa fun por alí, o certo é que non houbo sorte nin con corda nin sen corda, o día púxose bastante cabrón. Sempre é un pracer coñecer nova xente e novos horizontes, agradézovos moito a acollida e as atencións que me brindastes onte. O monte é moi bonito para cazar e as instalacións para os cans son estupendas. Os cans gustáronme, pero agás un, os demáis únicamente puiden velos tralos corzos. Paseino ben e iso é o máis importante.

Xa teremos máis ocasións para que as cousas saian algo mellor. Moitos saúdos.

David

Mensajes : 18
Fecha de inscripción : 08/10/2010

Volver arriba Ir abajo

ESCAPARON

Mensaje  TEORICO el Lun Nov 22, 2010 5:39 pm

O que non sabedes é que atopei a Nerón (grifón) moi cerquiña donde estaban os coches un pouco mais adiante do pobo, na carretera, o pé dunha pasantía toda negra de haber baixado por ali os porcos, cara a ribeira, entre o posto do Luis e a entrada da pista, a unhos 200 m. dos coches. O porco que levaba o Rai,e que vin eu, era un bermello ben crecido que se debeu despìstar da manada.

TEORICO
MIEMBRO DE HONOR
MIEMBRO DE HONOR

Mensajes : 1327
Fecha de inscripción : 28/03/2010

Volver arriba Ir abajo

Re: Boas, déixovos a dirección dun blog.

Mensaje  Admin el Miér Ene 27, 2016 6:43 pm

David escribió:Boas,

Pois xa fun por alí, o certo é que non houbo sorte nin con corda nin sen corda, o día púxose bastante cabrón. Sempre é un pracer coñecer nova xente e novos horizontes, agradézovos moito a acollida e as atencións que me brindastes onte. O monte é moi bonito para cazar e as instalacións para os cans son estupendas. Os cans gustáronme, pero agás un, os demáis únicamente puiden velos tralos corzos. Paseino ben e iso é o máis importante.

Xa teremos máis ocasións para que as cousas saian algo mellor. Moitos saúdos.


Bueno, sen corda houbo sorte. O Ray non encorzou, botou un porco duns 50 kilos e sí, o día non valía, David Taboada. Lástima non invitaren a uns colegas de Pontevedra.  Tres cordas fan máis ca unha. Ben ben raro non cortar nin un só rastro á corda en 2.000 hectáreas de monte.

O importante foi non se mancar.

_________________
Cazar no es matar

Admin
Admin
Admin

Mensajes : 584
Fecha de inscripción : 27/03/2010
Edad : 74

http://monterosribeirasacra.forosactivos.biz

Volver arriba Ir abajo

Re: Boas, déixovos a dirección dun blog.

Mensaje  Contenido patrocinado Hoy a las 10:54 am


Contenido patrocinado


Volver arriba Ir abajo

Ver el tema anterior Ver el tema siguiente Volver arriba

- Temas similares

 
Permisos de este foro:
No puedes responder a temas en este foro.